Una puesia di Olivier Ancey. A musica di l'onda.
Ultima Cumaei venit iam carminis aetas, magnus ab integro saeculorum nascitur ordo.
Virgile, Eclogue IV (Les bucoliques)
Cutulelle
di l’onde tralucente di l’Ercu
da seculi attundulite
da millesimi vultulate
in celi
foschi o svariate
si
mischianu culori arcani
sfrisgendu
u limpidu spechju
à fior di mente.
In Sesta
ghjacenu e voce
i imbeli
è u stintindulime
accumpulati
in l’ombra muta
di u
ricordu
sò corse
l’ore trà e sponde
à cullane
di sciume mosse
à
spulafiure.
Piegnenu
l’aspricce ghjarghjere
cum’è
vinice incalmanate
di pelle
more imbrustulite
d’osse è
di carne straziate
è di
miseria inturbidite
l’onde sò
lacrime dulente
in lu sussuru di e spisce
s’annecanu
e mimorie perse
è in un
sbollaru s’affonda
u lagnu
pietosu di l’anni
à strappacore.
Cutulelle
di l’onde tralucente di l’Ercu
da seculi attundulite
da
millesimi vultulate
d’Alzimozzu
à Santa Lucia
sò
tante vene à porghje brame
aghjugnenti
di sangue novu
quandu ùn
saraghju cà fulena
l’anima
meia abbracciarete
è faremu
cennu à l’avvene
à fiume
scioltu.
Olivier Ancey
